ወልዶ መሣም

የአብራኬ ክፋይ ፣የቅስሜ

የእኔነቴ ውርስ፣የደሜ

በምድር፣የብቻ ትርጉሜ

ማግኘት፣እንዲህ ይጥማልና፣ለስሜ

     የመልኬን ቅጂ ጥላ መሣይ

     ሁለመናዬ ሠርፆበት ሲታይ

     ገፄ በፀዳሉ ላይ

     ምስሉ ስለ እኔ ሲያወያይ

     ለካ ወልዶ ላየ ነው ዕርካታው፡፡

ማማ፣ ባባ ሲል በኮልታፋው

በእምቦቀቅላ አፉ ሚናኘው

ድክድክ ሲል ባልጠነከረው

በህፃን ገላ ጨቅላው

የጠረኑ ለዛ መዓዛው

ለካ እንዲህ ነበርና ሚያውደው ፡፡

     ወልዶ የመሣም ፍችው

     አውቆ ላጣጣመ ቃናው

     የፍስሀ ትሩፋት ፀጋው

     በመሐፀን ሣለ ለባረከው

በእግዜር ፊት ስለውሎው

የሚያሣርጉ መላዕክታት ያለውwww.facebook.com/tarikuasefa

ህፃን ፣ ወልዶ መሣም ጣዕምናው

ለካ :እንዲህ ነበርና ደስታው

ለወላጅ :የውስጥ እርካታ እሚሠጠው፡፡

የአብራኬ ክፋይ ፣የቅስሜ

የእኔነቴ ውርስ፣የደሜ

በምድር፣የብቻ ትርጉሜ

ማግኘት፣እንዲህ ይጥማልና፣ለስሜ

     የመልኬን ቅጂ ጥላ መሣይ

     ሁለመናዬ ሠርፆበት ሲታይ

     ገፄ በፀዳሉ ላይ

     ምስሉ ስለ እኔ ሲያወያይ

     ለካ ወልዶ ላየ ነው ዕርካታው፡፡

ማማ፣ ባባ ሲል በኮልታፋው

በእምቦቀቅላ አፉ ሚናኘው

ድክድክ ሲል ባልጠነከረው

በህፃን ገላ ጨቅላው

የጠረኑ ለዛ መዓዛው

ለካ እንዲህ ነበርና ሚያውደው ፡፡

     ወልዶ የመሣም ፍችው

     አውቆ ላጣጣመ ቃናው

     የፍስሀ ትሩፋት ፀጋው

     በመሐፀን ሣለ ለባረከው

በእግዜር ፊት ስለውሎው

የሚያሣርጉ መላዕክታት ያለው

ህፃን ፣ ወልዶ መሣም ጣዕምናው

ለካ :እንዲህ ነበርና ደስታው

ለወላጅ :የውስጥ እርካታ እሚሠጠው፡፡